ԲԱՅԴԵՆԸ ՀԱՆԴԻՊՈՒՄ Է ՈՒՆԵՑԵԼ ԱԼԵՔՍԵՅ ՆԱՎԱԼՆԻԻ ԱՅՐՈՒ ԵՒ ԴՍՏԵՐ ՀԵՏ (ԼՈՒՍԱՆԿԱՐ)

ԱՄՆ նախագահ Ջո Բայդենը Սան Ֆրանցիսկոյում հանդիպել է Ալեքսեն Նավալնու կնոջ և դստեր՝ Յուլիայի և Դաշայի հետ՝ «իր սրտանց ցավակցությունը հայտնելու նրանց սարսափելի կորստի համար»։ Այդ մասին ասվում է հայտարարության մեջ՝ հավելելով, որ Բայդենը վերահաստատել է ուրբաթ օրը Ռուսաստանի դեմ նոր պատժամիջոցների մասին հայտարարությունը, գրում է Ամերիկայի Ձայն-ը։

Իր հանդիպման ժամանակ «նախագահն իր հիացմունքն է հայտնել Ալեքսեյ Նավալնիի արտասովոր խիզախության և կոռուպցիայի դեմ պայքարելու և հանուն ազատ ու ժողովրդավարական Ռուսաստանի ժառանգության համար», ասվում է հայտարարության մեջ։

Բայդենը «ընդգծել է, որ Ալեքսեյի ժառանգությունը շարունակվելու է ամբողջ Ռուսաստանում և ամբողջ աշխարհում մարդկանց միջոցով, ովքեր սգում են նրա կորուստը և պայքարում հանուն ազատության, ժողովրդավարության և մարդու իրավունքների»:

Հիշեցնենք, որ ռուս ընդդիմադիր գործիչ Ալեքսեյ Նավալնին փետրվարի 16-հանկարծամահ է եղել Ռուսաստանի կալանավայրերից մեկում։