Բժիշկը նախազգուշացրել է տղամարդկանց մի կատեգորիայի համար դեմենցիայի բարձր ռիսկի մասին
Ավելորդ քաշ ունեցող տղամարդիկ դեմենցիայի զարգացման ավելի մեծ ռիսկ ունեն, զգուշացրել է բժիշկ-էնդոկրինոլոգ, բժիշկ Զուխրա Պավլովան։ Telegram-ում հրապարակված գրառման մեջ նա բացատրել է, թե ինչու է տղամարդկանց այս կատեգորիայի մոտ հիվանդության հետ հանդիպելու հավանականությունը մեծանում։
Պավլովան վկայակոչել է հետազոտության տվյալները, ըստ որոնց՝ ավելորդ քաշ ունեցող տղամարդկանց մոտ 55 տարեկանից սկսել են վատանալ ուղեղի աշխատանքը, իսկ գորշ նյութի ծավալը նվազել է։ Ընդ որում, կանանց մոտ այդ գործընթացները սկսվել են 65 տարեկանում։
«Ավելորդ կիլոգրամները հանգեցնում են օրգանիզմում տարածված բորբոքումների և ուղեղի արյան մատակարարման վատթարացման: Ժամանակի ընթացքում գորշ նյութի ծավալը նվազում է, ինչը բնորոշ է դեմենցիային»,- պարզաբանել է Պավլովան հետազոտության արդյունքները։
Բժիշկը հավելել է, որ ավելորդ քաշ ունեցող մարդիկ հաճախ շատ անառողջ սնունդ են ուտում, ինչը նույնպես բացասաբար է անդրադառնում ուղեղի աշխատանքի վրա։
