Իսրայելն ավելի քան 250 հարված է հասցրել Սիրիայի ռազմական օբյեկտներին
Սիրիական աղբյուրները հայտնել են, որ իսրայելական ռազմական ինքնաթիռները տասնյակ հարվածներ են հասցրել Սիրիայի ողջ տարածքում, այդ թվում՝ մայրաքաղաք Դամասկոսում, որտեղ երեքշաբթի վաղ առավոտյան պայթյուններ են լսվել: Այս մասին գրում է BBC-ին։
Իսրայելի պաշտպանության բանակը չի մեկնաբանել այս հաղորդագրությունը։ Կառույցը հերքում է իսրայելական ցամաքային ստորաբաժանումների՝ բուֆերային գոտուց դեպի Սիրիա առաջխաղացման մասին տեղեկությունները։
Ինչպես հայտնում են AFP-ի թղթակիցները, երեքշաբթի առավոտյան ուժգին պայթյուններ են լսվել Դամասկոսում։ Գործակալության լուսանկարներում երեւում են ծխի սյուներ, որոնք բարձրանում են Սիրիայի մայրաքաղաքի կենտրոնից։
Մեծ Բրիտանիայում տեղակայված Մարդու իրավունքների սիրիական դիտորդական կենտրոնը (SOHR) հաղորդել է երեքշաբթի առավոտից ավելի քան 100 հարվածների մասին:
Ընդհանուր առմամբ, կազմակերպության տվյալներով, վերջին երկու օրվա ընթացքում Իսրայելը մոտ 250 ավիահարված է հասցրել Սիրիայի տարածքում՝ Բաշար ալ-Ասադի տապալված ռեժիմի ռազմական ներուժը ոչնչացնելու նպատակով։
SOHR-ի հաղորդագրությունում նշվում է, որ հարվածները ոչնչացրել են Սիրիայում ամենակարևոր ռազմական օբյեկտները, ներառյալ՝ օդանավակայանները, օդային ջոկատները, ռադարները, ազդանշանային կայանները, զենքի և զինամթերքի պահեստները, հետազոտական կենտրոնները, հակաօդային պաշտպանության համակարգերը և Լաթաքիա նավահանգստային քաղաքի ռազմանավերը։
