Մոսկվայում դերասան Գոշա Կուցենկոյի մեքենայում կնոջ մարմին է հայտնաբերվել

Ռուսաստանցի հայտնի դերասան Գոշա Կուցենկոյի մեքենայում հայտնաբերվել է կնոջ դի՝ կտրող-ծակող առարկայով պատճառված վնասվածքներով, հայտնում է  News.ru-ն:Մեքենան, որում հայտնաբերվել է դին, կայանված է եղել Մոսկվայի Կուտուզովսկի պողոտայի տներից մեկի բակում։

Սպանության համար կասկածվողը չի էլ փորձել փախչել դեպքի վայրից և մոտ երեք ժամ դիակի հետ նստել է մեքենայում, հայտնում է 112 թելեգրամյան ալիքը։ Աղբյուրի տվյալներով՝ կասկածյալը Թաթարստանից 30-ամյա գործազուրկ Ալբերտ Աբդուլինն է։Պարզվում է, որ տղամարդը նախկինում դատապարտված է եղել սպանության, գողության, սպառնալիքների, բռնաբարության և մարմնական վնասվածք պատճառելու համար։ Քննչական կոմիտեն քրեական գործ է հարուցել սպանության հոդվածով։