Հայաստանում ուժեր կան և եղել են միշտ, որոնք ասում են՝ հարկ մի վճարեք. Փաշինյան
Հայաստանում ուժեր կան և եղել են միշտ, որոնք ասում են՝ հարկ մի վճարեք: Այս մասին այսօր՝ դեկտեմբերի 12-ին, կառավարության նիստում հայտարարեց վարչապետ Նիկոլ Փաշինյանը:
«Սա երկսայր սուր է, սուր է, իհարկե, պետք է իշխանությունը, կառավարությունը ամեն ինչ անի, որ պետական բյուջեի փողերն արդյունավետ ծախսի: Հա, մենք պետք է ընդունենք, ժողովուրդ ջան, որ չենք կարողանում մեր երազած արդյունավետությամբ պետական բյուջեի փողերը ծախսել, բայց էլի պիտի վերադառնամ, էլի նույնը կրկնեմ: Ասում եմ՝ հյո՞ւր եք հրավիրել, հարսանի՞ք եք անում, ծնո՞ւնդ եք անում, եկեք գնանք, նայենք, թե ինչքան արդյունավետ եք դուք: Ճշգրիտ, ինչքան դուք ձեր ընտանեկան բյուջեն հարսանիք անելիս, ընկերոջը հյուր հրավիրելիս, ինչքան դուք եք արդյունավետ ծախսում, ճշգրիտ, մի միլիմետր, ոչ ավել, ոչ պակաս, այդքան ճշգրիտ կառավարությունն է ծախսում: Հլը գնացեք նայեք ամեն հյուր հրավիրելիս, թե ինչքան ուտելիք եք թափում, ինչքան ուտելիք եք փչացնում: Հլը դեպք է լինում, որ չեք ուզում թափեք, ուտում եք, թունավորվում եք»,-ասաց նա:
