Իրանը մոտ 150 հրթիռ է արձակել Իսրայելի ուղղությամբ. Իսրայելը որսացել է Իրանի «պատասխանի» 99%-ը

Իրանը մոտ 150 հրթիռ է արձակել Իսրայելի ուղղությամբ՝ ի պատասխան Դամասկոսում Իրանի հյուպատոսության դեմ իր ռազմական գնդակոծության։ Այս մասին հայտնում է ABC հեռուստաընկերությունը՝ վկայակոչելով ԱՄՆ-ում բարձրաստիճան աղբյուրին։

Նախ Իրանը 70 հրթիռ է արձակել, հետո ևս 80-ը, պարզաբանում է ABC-ն։

Իսրայելը կասեցրեց Իրանի «պատասխանի» 99%-ը, Իրանի հարձակումը պահանջում է «ուժեղ պատասխան», որը «շուտով կգա»։ Այս մասին հայտնում է Ynet պորտալը՝ հղում անելով իսրայելցի անանուն պաշտոնյաներին։

«Մենք որսացել ենք Իրանի պատասխանի 99 տոկոսը, մենք պատրաստվել ենք դրան»,- այս պաշտոնյաների խոսքերն է մեջբերում պորտալը։ «Այն փաստը, որ Իրանն առաջին անգամ կրակ բացեց Իսրայելի վրա իր տարածքից, պահանջում է վճռական պատասխան», որը «կգա մոտ ապագայում», - ավելացրել են Ynet-ի զրուցակիցները։