ԶԼՄ. Իրանական առնվազն 15 հրթիռ խոցել է իսրայելական ռազմավարական Նևաթիմ ավիաբազան
Առնվազն 15 իրանական հրթիռ խոցել է Ալ Նեքեբում գտնվող իսրայելական ռազմավարական ավիաբազան։
Al Manar լրատվամիջոցը, վկայակոչելով իրազեկ աղբյուրներին, հայտնել է, որ Իրանը կիրակի վաղ առավոտյան 15 հրթիռ է արձակել Նևաթիմ ավիաբազայի ուղղությամբ։
Աղբյուրները հայտնել են, որ այս հարձակումից հետո ավիաբազան լրջորեն տուժել է և ամբողջովին շարքից դուրս եկել։
«Նևաթիմ» ավիաբազան գտնվում է Նեգև անապատում՝ Բերշեբա քաղաքի մոտ, այն F-35 կործանիչների իսրայելական հիմնական բազան է, հայտնում է Mehr-ը։
Անցյալ տարի ԻՀՊԿ ռազմաօդային ուժերը հրթիռային հարձակում էին իրականացրել այս ավիաբազայի մոդելավորված տարբերակի վրա։ Ավիաբազան գտնվում է Իրանի արևմտյան սահմաններից մոտավորապես 1100 կմ հեռավորության վրա, ընդգծում է իրանական լրատվամիջոցը։
