Ադելիա Պետրոսյանը ՌԴ-ում լավագույնն է, բայց չի կարելի բացառել անակնկալները. Պլյուշչենկո
Օլիմպիական խաղերի կրկնակի չեմպիոն, այժմ մարզիչ Եվգենի Պլյուշչենկոն ՌԻԱ Նովոստիին ասել է, որ Ռուսաստանի չեմպիոն Ադելիա Պետրոսյանը լավագույնն է Ռուսաստանում, բայց երբ խոսքը վերաբերում է կանանց, անակնկալները բացառել չի կարելի։
Ադելիա Պետրոսյանն Օմսկում երկրորդ անգամ անընդմեջ հաղթել է Ռուսաստանի առաջնությունում:
«Ադելիան շատ գեղեցիկ է սահում, տեխնիկական բաղադրիչն էլ է լավ մակարդակի վրա։ Այսօր նա անվերապահորեն Ռուսաստանի ամենաուժեղ գեղասահորդուհին է, բայց երբ խոսքը վերաբերում է կանանց, անակնկալները բացառել չի կարելի», - ասել է Պլյուշչենկոն:
