Հրապարակվել են Իսրայելի հետ գործարք կնքելու վերաբերյալ ՀԱՄԱՍ-ի առաջարկի մանրամասները

Reuters-ը մանրամասներ է հրապարակել Իսրայելի հետ գործարք կնքելու վերաբերյալ Համասի առաջարկի մասին: Խոսքը երկու փուլերի մասին է, որոնց շրջանակներում այդ առաջարկները պետք է կյանքի կոչվեն։

Առաջին փուլ՝ կանանց, երեխաների և ծերերի ազատում 700-1000 պաղեստինցի բանտարկյալների դիմաց։ Ազատ արձակված պատանդների թվում կլինեն նաև կին զինծառայողներ, հայտնում է «Today in Israel»-ը։ Սակայն նրանց դիմաց ՀԱՄԱՍ-ը պահանջում է ազատ արձակել ցմահ ազատազրկման դատապարտված 100 պաղեստինցի ահաբեկիչների։

Առաջին փուլից և գերիների փոխանակումից հետո կորոշվի մշտական հրադադարի և Գազայի հատվածից Իսրայելի պաշտպանության բանակի դուրսբերման ժամկետը։

Երկրորդ փուլը նախատեսում է բոլոր պատանդների լիակատար ազատ արձակումը՝ բանտում գտնվող բոլոր բանտարկյալների լիակատար ազատ արձակման դիմաց։