Օդեսային հարվածելու հետեւանքով զոհվել է երեք մարդ. մարզի ղեկավար

Օդեսայի մարզի ղեկավար Օլեգ Կիպերը տեղեկացրել է, որ երեքշաբթի երեկոյան տեղի ունեցած ռուսական հրթիռային հարվածի հետեւանքով սպանվել է երեք մարդ, երեք հոգի վիրավորվել է։

Կիպերի խոսքով՝ Օդեսան գնդակոծվել է բալիստիկ հրթիռներով, ինչի հետեւանքով վնասվել է քաղաքացիական ենթակառուցվածքը։

Վերջին օրերի ընթացքում սա արդեն երկրորդ հարվածն է Օդեսային, որն ուղեկցվում է մարդկային զոհերով։

Երկուշաբթի ռուսական հրթիռները Օդեսայի շրջանին հարվածել էին ծովի մոտ, ինչի հետեւանքով զոհվել էր հինգ մարդ։ Տուժել է Օդեսայի իրավաբանական ակադեմիայի շենքը, որը քաղաքում հայտնի է որպես «Հարի Փոթերի ամրոց»։