Հզոր մագնիսական փոթորիկը կծածկի Երկիրը․ ինչ է հայտնի

Հզոր մագնիսական փոթորիկը կծածկի Երկիրն այսօր ու կավարտվի շաբաթ օրը՝ հոկտեմբերի 5-ի երեկոյան։ Այս մասին զգուշացրել է Ֆոբոս եղանակային կենտրոնի առաջատար մասնագետ Միխայիլ Լեուսը տելեգրամյան իր ալիքում։

Կանխատեսողը հայտնել է, որ մագնիտոսֆերայի գրգռումները կսկսվեն Երևանի ժամանակով 22:00-ից հետո, սակայն այդ պահին մագնիսական փոթորիկի հզորությունը թույլ կլինի (G1): Հետագայում դրա ուժգնությունը կավելանա, և ուրբաթ առավոտյան՝ ժամը 7-ից հետո, մագնիսական փոթորիկը կդառնա ուժեղ՝ G3 դասի։