Բժիշկը զգուշացրել է այս արտադրանքների պատճառով դեմենցիայի վտանգի մասին

Բժիշկ-էնդոկրինոլոգ Զուխրա Պավլովան, վկայակոչելով ամերիկացի գիտնականների հետազոտությունը, ասել է, որ վատ սնվելը կարող է մեծացնել դեմենցիայի վտանգ, գրել է «Լենտա»-ն։

Ըստ Պավլովայի՝ հացաբուլկեղենը, արագ սնունդը, քաղցրավենիքները, վերամշակված մթերքները, տապակած ու թխած մթերքները, որոնք ունեն բարձր կալորիաներ, խոլեստերին, հագեցած ճարպեր և ածխաջրեր, ավելացնում են օրգանիզմի բորբոքումները։ Դրա պատճառով մարմնում սրվում է նեյրոդեգեներացիայի գործընթացը, ինչը հանգեցնում է տարբեր ճանաչողական խանգարումների, այդ թվում՝ դեմենցիայի։

Բժիշկը նշել է, որ ամերիկացի գիտնականների ուսումնասիրության համաձայն՝ շատ բորբոքային սնունդ օգտագործողների մոտ 84 տոկոսով աճել է դեմենցիայի ռիսկը։ Ուսումնասիրվել է 60 տարեկանից բարձր մեկուկես հազար մարդու սննդակարգը։

Պավլովան ընդգծել է, որ ուսումնասիրության մեջ նշվում են նաև ապրանքներ, որոնք նվազեցնում են նեյրոդեգեներատիվ հիվանդությունների հավանականությունը։ Դրանց թվում գիտնականները ներառել են կանաչ և սև թեյ, սուրճ, պղպեղ և սխտոր: Բացի այդ, B6, A, C, D, E, B1 և B2 վիտամինները, բետա-կարոտինը, սննդային մանրաթելերը, ֆոլաթթուն, մագնեզիումը, նիացինը, ցինկը, մոնոհագեցված ճարպերը, օմեգա-3, օմեգա-6-ը, սելենը, ֆլավոնները, ֆլավոնոլները, ֆլավոնոնները, անտոցիանիդիններ կարևոր են դեմենցիայի դեմ պայքարի համար:

«Ամեն ինչ, իհարկե, չափավոր: Հավասարակշռված և որակյալ սննդակարգն ինքնին պաշտպանում է բազմաթիվ հիվանդություններից, ոչ միայն դեմենցիայից»,- հավելել է էնդոկրինոլոգը։