Շղթայական ավտովթար՝ Մարմարաշենի վարչական տարածքում. բախվել է 12 տրանսպորտային միջոց. կան վիրավորներ

Այսօր շղթայական ավտովթար է տեղի ունեցել Արարատի մարզում։

Ժամը 09:00-ի սահմաններում Երևան-Երասխ ավտոճանապարհի Մարմարաշեն գյուղի վարչական տարածքում՝ դեպի Երևան ընթացող գոտում, բախվել է 12 տրանսպորտային միջոց։

Shamshyan.com-ի հաղորդմամբ՝  վթարի հետևանքով, ըստ դեպքի վայրում հավաքվածների, 4 հոգի հոսպիտալացվել է։

Ըստ դեպքի վայրում հավաքված վարորդների՝ վթարի պատճառը եղել է մառախուղն ու մերկասառույցը, իսկ, ըստ լրատվամիջոցի, նաև՝ դրան գումարած որոշ ավտոմեքենաների ոչ ձմեռային անվադողերը։