Խաբիբ Նուրմագոմեդովին հեռացրել են ԱՄՆ մեկնող ինքնաթիռից
UFC-ի նախկին չեմպիոն Խաբիբ Նուրմագոմեդովին հեռացրել են American Airlines ավիաընկերության՝ ԱՄՆ մեկնող ինքնաթիռից՝ բորտուղեկցորդուհու հետ վիճաբանությունից հետո, հայտնում է ՌԻԱ Նովոստին:
Բորտուղեկցորդուհին վթարային շարքում նստած մարզիկին հարցրել է՝ արդյոք նա կարող է օգնել ուղևորներին արտակարգ իրավիճակի դեպքում։ Նուրմագոմեդովը, ըստ երևույթին, չի հասկացել՝ ինչ են ուզում իրենից և վիճաբանության մեջ է մտել՝ հրաժարվելով այլ վայր տեղափոխվելու խնդրանքից։ Ի վերջո, բորտուղեկցորդուհին կանչել է հսկիչին, որի կարգադրությամբ՝ մարզիկն ընկերների հետ իջել է ինքնաթիռից:
