Բայդենը Հռոմի պապին պարգևատրել է ԱՄՆ բարձրագույն քաղաքացիական պարգևով
ԱՄՆ նախագահ Ջո Բայդենը հեռախոսով զրուցել է Հռոմի պապ Ֆրանցիսկոսի հետ և նրան հեռավար կարգով շնորհել երկրի բարձրագույն քաղաքացիական պարգևը՝ Ազատության նախագահական շքանշանը, հայտնում է Սպիտակ տունը։
Այս շաբաթ Բայդենը պետք է անձամբ հանդիպեր Հռոմի պապ Ֆրանցիսկոսի հետ, սակայն նա չեղարկել էր այցը Վատիկան՝ Կալիֆոռնիայում հրդեհների պատճառով: Սպիտակ տունը հայտնել է, որ Բայդենը խորը ափսոսանք է հայտնել, որ չի կարողացել այցելել Վատիկան։
Ազատության նախագահական մեդալը շնորհվում է այն անհատներին, որոնք օրինակելի ներդրում են ունեցել Միացյալ Նահանգների բարգավաճման, արժեքների կամ անվտանգության, համաշխարհային խաղաղության կամ այլ նշանակալի հանրային կամ մասնավոր ձեռնարկումների մեջ:
