Յամալն ավելի լավն է, քան Մեսսին․ Ռեալի նախկին խաղացող

Մադրիդի «Ռեալի» նախկին ֆուտբոլիստ Գուտին կիսվել է «Բարսելոնայի» 17-ամյա հարձակվող Լամին Յամալի վերաբերյալ իր կարծիքով։

«Յամալն անհավանական տաղանդ ունի։ Այս ֆուտբոլիստը կարող է խաղի ելքը վճռել մեկ դրվագում։ Մենք հաճախ խոսում ենք, որ նա քիչ գոլեր է խփում, բայց իր փոխանցումներով նա ստիպում է խոսել իր մասին։

Չեմ հիշում, որ Մեսսին նման ազդեցություն ունենար խաղի վրա 17 տարեկանում։ Կարծում եմ՝ Լամինն ավելի լավն է։ Նա Իսպանիայի առաջնության աստղերից է, բայց դեռ շատ երիտասարդ է։ Սա «Բարսելոնայի» գլխավոր հաղթաթուղթն է այս պահին», — Գուտիի խոսքերն է փոխանցում Mundo Deportivo-ն։

Ընթացիկ մրցաշրջանում 17-ամյա խաղացողը կատալոնական ակումբի կազմում մասնակցել է 41 հանդիպման՝ դառնալով 13 գոլի և 19 գոլային փոխանցման հեղինակ։