Արցախցի Տիգրանը պաշտպանում է իր արժանապատվությունը, մի բան, որ այս երկրում գործող իշխանությունները չունեն և հետևողականորեն ջախջախում են. իրավապաշտպան
- Lida Nalbandyan
- Mar 20
- 1 min read
Ինչու է ոստիկանությունը բացարձակ և բացահայտ սանձարձակ պահվածք դրսևորում։ Անպատժելիությունը։ Այս մասին Ֆեյսբուքի իր էջում գրել է իրավապաշտպան Ժաննա Ալեքսանյանը:
«Հունիի 12-ին Նիկոլ Փաշինյանը լեգիտիմացրեց բռնությունը ԱԺ ամբիոնից ոստիկանների գործողությունները գնահատելով իրավաչափ։ Հետևանքը շարունակվող և ահագնացող խոշտանգումնեերի դեպքերն են՝ անպաշտպան մարդկանց ոհմակներով հոշոտելը։ Ու հիմա ոստիկանության Վանաձորի բաժանմունքում խոշտանգված արցախցի Տիգրան Ուլուբաբյանի պաշտպանությունը տեղափոխվեց հանրային տիրույթ։
Պետությունը հրաժարվում է պաշտպանել իր քաղաքացուն և հանրային պաշտպանությունը կարող է արդյունավետ լինել ոչ թե խոշտանգումների բացահայտման, այլ անմեղ, անպաշտպան մարդու կողքին կանգնելու առումով։ Սա արժեքավոր է։ «Ծեծելը մի կողմ, բայց հայհոյել են, ինձ վրա ինչ ասես արել են, թող պատասխան տան», սա է Տիգրանի հարցը, բայց պատասխան տվող չկա:
Տիգրանը պաշտպանում է իր արժանապատվությունը, մի բան, որ այս երկրում գործող իշխանությունները չունեն և հետևողականորեն ջախջախում են։ Շնորհակալություն Ռոման Երիցյանին խոշտանգումների այս դեպքը հանրայնացնելու և Տիգրանին մենակ չթողնելու համար։ երբ երկրում թողտվություն է հանրությունը պետք է սովորի պաշտպանել մարդուն»,- գրել է նա:
22.35.04.04.2024
19.17.04.04.2025
18.00.04.04.2025