NYT. Թրամփը կարող է վերանայել Ուկրաինային տրված վարկը՝ չեղարկելով ՌԴ ԿԲ բանկի ակտիվների նկատմամբ պատժամիջոցները

ԱՄՆ նորընտիր նախագահ Դոնալդ Թրամփը կարող է փորձել չեղարկել Ռուսաստանի Կենտրոնական բանկի ակտիվների սառեցման պատժամիջոցները՝ Ջո Բայդենի վարչակազմի՝ Ուկրաինային տրված վարկի պայմանները վերանայելու համար։ Այս հնարավորության մասին գրում է The New York Times (NYT) թերթը։

ԱՄՆ գանձապետարանը ավելի վաղ հայտարարել էր Ուկրաինային 20 մլրդ դոլարի վարկ տրամադրելու մասին, որը մարվելու է տրանշներով։ Միջոցների վերադարձը նախատեսվում է օգտագործել ռուսական սառեցված ակտիվներից ստացված եկամուտների միջոցով:

Պարբերականը խոստովանում է, որ նման նախաձեռնությունը կարող է աջակցություն չգտնել հանրապետականների շրջանում։ Բացի այդ, դա դժվար թե ազդի վարկի եվրոպական մասի վրա։

NYT-ը նշում է, որ Բայդենի վարչակազմը այս վարկով փորձում է Ուկրաինային ապահովել «տնտեսական կայունություն» նույնիսկ այն բանից հետո, երբ Թրամփն իշխանության կվերադառնա։

Մինչդեռ ավելի վաղ Euroclear դեպոզիտարիայի գործադիր տնօրեն Վալերի Ուրբեյնը Bloomberg-ին տված հարցազրույցում ասել էր, որ ռուսական սառեցված ակտիվների բռնագրավումը լուրջ ռիսկեր է պարունակում հենց կազմակերպության և Եվրոպայի ֆինանսական կայունության համար։