Ստամբուլի քաղաքապետարանի խորհրդի անդամ Նուրի Ասլանը նշանակվել է Ստամբուլի քաղաքապետի ԺՊ

Ստամբուլի ընդդիմադիր քաղաքապետ, քեմալական «Ժողովրդադեմոկրատական» (ԺՀԿ-CHP) կուսակցության անդամ  Էքրեմ Իմամօղլուի ձերբակալությունից հետո Ստամբուլի քաղաքապետարանի  խորհրդի անդամ CHP-ական Նուրի Ասլանը նշանակվել է քաղաքապետի ժամանակավոր պաշտոնակատար։ Այս մասին հայտնում է Ermenihaber-ը։

Հիշեցնենք, որ մարտի 19-ին վաղ առավոտյան ձերբակալվել է Էքրեմ Իմամօղլուն: Իմամօղլուն համարվում է նախագահ Ռեջեփ Թայիփ Էրդողանի գլխավոր մրցակիցը 2028 թվականի ընտրություններում։ Իշխանությունները Իմամօղլուին մեղադրում են կոռուպցիայի, արգելված Քրդստանի աշխատավորական կուսակցության հետ կապերի և «ահաբեկչական գործունեության» մեջ։

Իմամօղլու ձերբակալությունից հետո Ստամբուլում և մի շարք այլ քաղաքներում բազմահազարանոց բողոքի ակցիաներ են։