12-ամյա տղան գողացել է պապիկի մեքենան և մոտ 2,5 ժամ քշել լեռնային մայրուղով
12-ամյա տղան գողացել է պապիկի մեքենան և մոտ 257 կմ վարել Վաշինգտոնի լեռնային մայրուղով, մինչ ոստիկանները նրան բռնել են, հայտնում է USA Today-ը։Դեպքը տեղի է ունեցել Գոհաբանության օրվան նախորդող օրը։Չորեքշաբթի օրը Սիեթլի մերձակայքում գտնվող Իսակուայում ոստիկանությունը ահազանգել է Գրանթ շրջանի շերիֆի գրասենյակ, որ տղան, իբր, գողացել է իր պապիկի Volkswagen հեչբեքը:Շերիֆի գրասենյակի խոսնակ Քայլ Ֆորմենն ասել է, որ տղան կապեր ուներ Գրանթ շրջանում գտնվող Մոզես Լեյքի փոքր քաղաքի հետ և կասկածվում էր, որ նա այնտեղ է առաջնորդվել:«12-ամյա երեխայի համար, ով նստել է մեքենայի ղեկին և այնքան հեռու է գնացել, մենք ուրախ ենք, որ կարողացանք կանգնեցնել նրան նախքան նա վնասել է իրեն կամ մեկ ուրիշին», - ասաց Ֆորմանը:Այս ճանապարհորդությունն իրականացնելու համար տղան պետք է մեքենա վարեր մոտ երկուսուկես ժամ՝ պահպանելով թույլատրելի արագությունը, Միջպետական 90-ով: Նա պետք է անցներ Սնոկուալմի լեռնանցքն ավելի քան 914 մետր բարձրության վրա:Երթևեկությունը նույնպես ավելի ծանրաբեռնված կլինի Գոհաբանության տոնին նախորդող օրը: Ազգային օդերևութաբանական ծառայության տվյալներով՝ լեռնանցքում գրանցվել է մոտ ցրտաշունչ ջերմաստիճան և ձյան կուտակում։
