Աղթամարի Սուրբ Խաչ եկեղեցում պատարագ է մատուցվել

Վանա լճի Աղթամար կղզու հայկական Սուրբ Խաչ եկեղեցում այսօր պատարագ է  մատուցվել։ Արարողությանը մասնակցելու համար  հազարավոր զբոսաշրջիկներ Թուրքիայից և արտերկրից ժամանել էին Աղթամար կղզի։

Պատարագը նախագահել է  և քարոզ կարդացել Պոլսո Հայոց թեմի առաջնորդ Սահակ եպիսկոպոս Մաշալյանը։

Աղթամարի Սուրբ խաչ եկեղեցում 95 տարվա դադարից հետո Թուրքիայի զբոսաշրջության և մշակույթի նախարարության հատուկ թույլտվությամբ առաջին պատարագը մատուցվել էր 2010-ի սեպտեմբերի 19-ին։  Սուրբ Խաչ եկեղեցում սովորաբար պատարագ է մատուցվում Խաչվերացի տոնին նախորդող կիրակի օրը։