ԱՄՆ-ում ձնաբքի պատճառով հազարավոր ավիաչվերթներ են չեղարկվել

ԱՄՆ-ի արևելյան ափին մոտ 3000 ավիաչվերթ է չեղարկվել ձնաբքի պատճառով. հայտնում է CNN հեռուստաալիքը։

Շրջաններում, որոնց պատուհասել է բնության տարերքը, բնակվում է մոտ 74 մլն մարդ։

Բուքը հարավարևելյան նահանգներից շարժվում է հյուսիսային ուղղությամբ։ Մայրաքաղաք Վաշինգտոնում և հարակից շրջաններում ձյան առատ տեղումներ են։

Մոտ 200 հազար սպառող լույս չունի։ ԶԼՄ-ները հայտնում են Ֆլորիդայից կանադական սահման տանող I-95 մայրուղու առանձին հատվածների փակ լինելու մասին։