Կորոնավիրուսն Անգլիայում անհավանական մակարդակի է հասել, առաջնությունը պետք է դադարեցվեր. Կոնտե
«Տոտենհեմի» գլխավոր մարզիչ Անտոնիո Կոնտեն կարծում է, որ Անգլիայի առաջնությունը պետք է դադարեցվեր երկրում կորոնավիրուսի համավարակի տարածման բարձր մակարդակի պատճառով:
«Կորոնավիրուսն Անգլիայում անհավանական մակարդակի է հասել; Կարծում եմ՝ առաջնությունը պետք է դադարեցվեր: Շատ մարդիկ փորձեցին խոսել այդ մասին, բայց կարծում եմ՝ ամեն ինչ արդեն որոշված է: Դու կարող ես վիճել, ապացուցել քո դիրքորոշումը և խոսել այն մասին, թե դու ինչ կցանկանայիր, բայց դա անօգուտ է երբ քո դիմաց պատ է: Որոշումներն արդեն կայացված են»,- ասել է Կոնտեն:
Դեկտեմբերի 20-ին ԱՊԼ-ն հայտարարել էր, որ չի դադարեցնի առաջնությունը:
