ՌԴ-ն կշարունակի քայլեր ձեռնարկել ԼՂ-ում իրավիճակը կայունացնելու համար․ Պուտին
ՌԴ նախագահ Վլադիմիր Պուտինն ու Ֆրանսիայի նախագահ Էմանուել Մակրոնը հեռախոսազրույց են ունեցել, որի ընթացքում քննարկել են Լեռնային Ղարաբաղի հակամարտության կարգավորման իրադրությունը։ Այդ մասին, ինչպես տեղեկացնում է «Ինտերֆաքս»-ը, հայտնել է Կրեմլի մամուլի ծառայությունը։
«Ռուսաստանը, ինչպես նշել է Վլադիմիր Պուտինը, կշարունակի քայլեր ձեռնարկել իրավիճակը կայունացնելու և Ռուսաստանի միջնորդությամբ ձեռք բերված եռակողմ պայմանավորվածությունները հետևողականորեն իրականացնելու համար», - ասված է հաղորդագրության մեջ։
