ՌԴ-ն մինչև դեկտեմբերի սկիզբ նոր դեսանտային գունդ կտեղակայի Ղրիմում
Ռուսաստանը հայտարարել է, որ մինչև դեկտեմբերի սկիզբ նոր դեսանտային գունդ կտեղակայի Ղրիմում: Պաշտոնական Մոսկվան նաև դժգոհություն է հայտնել համաձայնագրի առնչությամբ, համաձայն որի՝ Ուկրաինան օգտագործելու է բրիտանական ֆինանսավորումը իր ռազմածովային կարողություններն ուժեղացնելու համար։
«Մենք այս փաստը համարում ենք Ռուսաստանին սահմանակից պետություններում բրիտանական ռազմական ակտիվության աճի ևս մեկ գործնական ապացույց», - հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան։
