Վենեսուելան աջակցություն է հայտնել Դոնեցկի և Լուգանսկի հետ կապված Ռուսաստանի գործողություններին

Վենեսուելան լիովին աջակցում է Ռուսաստանի նախագահ Վլադիմիր Պուտինի՝ իր երկրում և տարածաշրջանում խաղաղությունը պաշտպանելու փորձերին. հայտարարել է Վենեսուելայի Հանրապետության նախագահ Նիկոլաս Մադուրոն Venezolana de Televisión հեռուստաալիքի եթերում։

«Արդյո՞ք աշխարհը կարծում է, որ Պուտինը ձեռքերը ծալած կնստի և քայլեր չի ձեռնարկի պաշտպանելու իր ժողովրդին: Ուստի Վենեսուելան իր լիակատար աջակցությունն է հայտնում նախագահ Պուտինին՝ Ռուսաստանում, տարածաշրջանում խաղաղությունը պաշտպանելու նրա ջանքերում: Մենք վստահ ենք, որ Ռուսաստանն այս ճակատամարտից դուրս կգա էլ ավելի համախմբված», - ասել է Մադուրոն։

Մադուրոյի խոսքով՝ Պուտինը ներդնում է ցանկացած դիվանագիտական ​​միջոց Ուկրաինայի հակամարտությունը լուծելու համար, որը գործնականում դարձել է ԱՄՆ-ի և Եվրոպայի գաղութը։