Հանրապետականները քննադատում են Բայդենին միգրանտների ճգնաժամի պայմաններում Կարիբներում հանգստի համար
ԱՄՆ-ի Հանրապետական կուսակցության անդամները քննադատել են երկրի նախագահ Ջո Բայդենին՝ ԱՄՆ-ի հարավում աճող միգրացիոն ճգնաժամի ժամանակ Կարիբյան կղզիներում հանգստանալու համար, հաղորդում է Fox News-ը:
«Հանրապետական օրենսդիրները քննադատում են նախագահ Բայդենին ընտանիքի հետ Կարիբյան ծովում հանգստանալու համար, մինչդեռ հարավային սահմանի ճգնաժամը սպառնում է դուրս գալ վերահսկողությունից: Բայդենը Նոր տարին նշում է ԱՄՆ Վիրջինյան Սուրբ Կրուաս կղզում»,-ասել է հեռուստաալիքը։
Մասնավորապես, հանրապետական պատգամավոր Հարի Փալմերը ասել է, որ նախագահ Բայդենի ողջ նախագահությունը «հանգիստ է եղել իրականությունից», իսկ նրա հանրապետական գործընկեր Ռենդի Վեբերը կարծում է, որ «նախագահ Բայդենի կողմից իր պարտականությունների անտեսումը լիովին դրսևորվում է, երբ նա նստում է լողափում և անտեսում հազարավոր անօրինական ներգաղթյալներին»։
Մինչ այս Մեքսիկային սահմանակից Տեխաս նահանգի նահանգապետ Գրեգ Էբոթը Բայդենին մեղադրել էր ԱՄՆ-ը կործանելու մեջ՝ երկիրը հեղեղելով անօրինական միգրանտներով։
ԱՄՆ պետքարտուղար Անտոնի Բլինկենը Մեխիկոյում հանդիպել է Մեքսիկայի նախագահ Անդրես Մանուել Լոպես Օբրադորի հետ։ Կողմերը քննարկել են ԱՄՆ-Մեքսիկա սահմանին տիրող իրավիճակը և անօրինական միգրացիան դեպի ԱՄՆ։
